ཀྲུང་གོ་གུང་ཁྲན་ཏང་གི་སྒྲིག་ཁྲིམས་ཆད་གཅོད་སྲོལ་ཡིག༼ ཁག་དགུ་པ།༽
དོན་ཚན་སོ་བརྒྱད་པ། སྒྲིག་འགལ་ཏང་ཡོན་ལ་ཏང་རྩ་འཛུགས་ཀྱིས་ཆད་པ་གཅོད་རྒྱུའི་ཐག་གཅོད་མ་བྱས་གོང་ཤི་བ་དང་། ཡང་ན་ཤི་བའི་རྗེས་སུ་དེར་སྒྲིག་ཁྲིམས་དང་འགལ་བའི་བྱ་སྤྱོད་ཚབས་ཆེན་ཡོད་མྱོང་བ་ཤེས་རྟོགས་བྱུང་ཞིང་། ཏང་གི་སྐྱིད་སྡུག་ནས་འཕུད་པའི་ཆད་པ་གཅོད་དགོས་རིགས། ཏང་གི་སྐྱིད་སྡུག་ནས་འཕུད་རྒྱུ། ཏང་ནང་བཞག་ནས་ལྟ་ཞིབ་བྱ་རྒྱུ་མན་གྱི་ཆད་པ་གཅོད་དགོས་རིགས་ལ་ཏང་གི་སྒྲིག་ཁྲིམས་དང་འགལ་བའི་ཡིག་ཐོག་གི་སྡོམ་ཚིག་དང་བབ་མཚུངས་ཀྱི་ཐག་གཅོད་བྱ་རྒྱུ།
དོན་ཚན་སོ་དགུ་པ། སྒྲིག་འགལ་བྱ་སྤྱོད་ཀྱི་འབྲེལ་ཡོད་འགན་འཁྲི་མི་སྣའི་དབྱེ་བ་ནི།
(གཅིག) ཐད་ཀའི་འགན་འཁྲི་ཡོད་མཁན་ཞེས་པ་ནི་དེའི་འགན་འཁྲིའི་ཁྱབ་ཁོངས་ནང་རང་ཉིད་ཀྱི་འགན་འཁྲི་མ་བསྒྲུབས་པའམ་ཡང་དག་མ་བསྒྲུབས་པ་ལས་བྱུང་བའི་གྱོང་གུད་དམ་མཇུག་འབྲས་ལ་ཐག་གཅོད་རང་བཞིན་གྱི་ནུས་པ་ཐོན་པའི་ཏང་ཡོན་ནམ་ཏང་ཡོན་མགོ་ཁྲིད་ལས་བྱེད་པ་ལ་གོ་དགོས།
(གཉིས) མགོ་ཁྲིད་ཀྱི་འགན་འཁྲི་ཡོད་མཁན་གཙོ་བོ་ཞེས་པ་ནི་དེའི་འགན་འཁྲིའི་ཁྱབ་ཁོངས་ནང་གཙོ་སྐྱོང་བྱེད་པའི་ལས་ཀའི་འགན་འཁྲི་མ་བསྒྲུབས་པའམ་ཡང་དག་མ་བསྒྲུབས་པ་ལས་བྱུང་བའི་གྱོང་གུད་དམ་མཇུག་འབྲས་ལ་ཐད་ཀའི་མགོ་ཁྲིད་ཀྱི་འགན་འཁྲི་ཡོད་པའི་ཏང་ཡོན་མགོ་ཁྲིད་ལས་བྱེད་པ་ལ་གོ་དགོས།
(གསུམ) མགོ་ཁྲིད་ཀྱི་འགན་འཁྲི་ཡོད་མཁན་གལ་ཆེན་ཞེས་པ་ནི་དེའི་འགན་འཁྲིའི་ཁྱབ་ཁོངས་ནང་དོ་དམ་བྱེད་དགོས་པའི་ལས་ཀའམ་ཐེ་ཞུགས་ཀྱིས་ཐག་གཅོད་དགོས་པའི་ལས་ཀའི་འགན་འཁྲི་མ་བསྒྲུབས་པའམ་ཡང་དག་མ་བསྒྲུབས་པ་ལས་བྱུང་བའི་གྱོང་གུད་དམ་མཇུག་འབྲས་ལ་མགོ་ཁྲིད་ཀྱི་འགན་འཁྲི་ཕལ་བ་ཡོད་མཁན་ཏང་ཡོན་མགོ་ཁྲིད་ལས་བྱེད་པ་ལ་གོ་དགོས།
སྲོལ་ཡིག་འདིའི་ནང་མགོ་ཁྲིད་ཀྱི་འགན་འཁྲི་ཡོད་མཁན་ཞེས་པའི་ཁོངས་སུ་མགོ་ཁྲིད་ཀྱི་འགན་འཁྲི་ཡོད་མཁན་གཙོ་བོ་དང་མགོ་ཁྲིད་ཀྱི་འགན་འཁྲི་ཡོད་མཁན་གལ་ཆེན་ཚུད་ཡོད།
དོན་ཚན་བཞི་བཅུ་པ། སྲོལ་ཡིག་འདིའི་ནང་བརྗོད་པའི་རང་འགུལ་གྱིས་ངོས་ལེན་ཞུ་བ་ཞེས་པ་ནི་སྒྲིག་འགལ་གྱི་དོགས་གཞི་ཡོད་པའི་ཏང་ཡོན་གྱིས་རྩ་འཛུགས་ནས་ཁ་བརྡ་དང་ཡིག་ཐོག་འདྲི་རྩད། ཐོག་མའི་དཔྱད་ཞིབ་བཅས་མ་བྱས་གོང་འབྲེལ་ཡོད་རྩ་འཛུགས་ལ་རང་ཉིད་ཀྱི་གནད་དོན་ངོས་ལེན་ཞུ་བ་དང་། ཡང་ན་ཁ་བརྡ་དང་ཡིག་ཐོག་འདྲི་རྩད། ཐོག་མའི་དཔྱད་ཞིབ། གྱོད་ཁོངས་སུ་བཅུག་ནས་ཞིབ་བཤེར་བཅས་བྱེད་རིང་རྩ་འཛུགས་ཀྱིས་ཁོང་དུ་ཆུད་མེད་པའི་གནད་དོན་ངོས་ལེན་ཞུ་བར་ཟེར།
དོན་ཚན་ཞེ་གཅིག་པ། འགན་རིམ་དང་། གོ་གནས་ཁེར་རྐྱང་གི་རིམ་སྟར་རིམ་པའི་འགན་འཁུར་བའི་ཏང་ཡོན་ལས་བྱེད་པ་ཏང་གི་སྒྲིག་ཁྲིམས་དང་འགལ་ནས་ཆད་པ་ཕོག་པ་དང་། དེའི་འགན་རིམ་དང་གོ་གནས་ཁེར་རྐྱང་གི་རིམ་སྟར་རིམ་པར་ལེགས་སྒྲིག་བྱེད་དགོས་རིགས། སྲོལ་ཡིག་འདིའི་ཏང་ཕྱིའི་གོ་གནས་སྐོར་གྱི་གཏན་འབེབས་གཞིར་བཟུང་ནས་ལག་བསྟར་བྱ་རྒྱུ།
དོན་ཚན་ཞེ་གཉིས་པ། དཔལ་འབྱོར་གྱི་གྱོང་གུད་རྩིས་རྒྱག་སྐབས་དང་གྱོད་དོན་ཐོ་འགོད་བྱེད་སྐབས་དོན་དངོས་ཐོག་བཟོས་པའི་རྒྱུ་ནོར་གྱི་གྱོང་གུད་ཚང་མ་རྩིས་རྒྱག་དགོས། དེའི་ནང་སྒྲིག་འགལ་བྱ་སྤྱོད་ཀྱིས་བཟོས་པའི་གྱོང་གུད་སེལ་ཆེད་གཏོང་སྤྲོད་བྱས་པའི་འགྲོ་སོང་དང་འགྲོ་གྲོན་སྣ་ཚོགས་ཚུད་ཡོད། གྱོད་དོན་ཐོ་འགོད་བྱས་རྗེས་ནས་ཐག་གཅོད་མ་བྱས་གོང་རྒྱུན་མཐུད་ངང་བྱུང་བའི་དཔལ་འབྱོར་གྱི་གྱོང་གུད་ནི་དེའི་ནང་མཉམ་དུ་བརྩི་དགོས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注