【ཨ་རིག་གླེན་པའི་གཏམ་རྒྱུད།】ལྷ་ཁང་གི་ཐོག་སོར་མཇལ་བ།
སྔོན་ཨ་རིག་གི་རྒན་པོ་གཉིས་ལྷ་སར་མཇལ་སྐོར་དུ་སོང་ནས། ལྷ་ཁང་ཐོག་བརྩེགས་ཅན་ཞིག་ཏུ་མཇལ་བར་འགྲོ་དགོས་བྱུང་ནས་འགྲོ་མ་ཤེས་པར་བསྡད་ཡོད་པའི་སྐབས་ལ། བྱི་ལ་ཞིག་སྐས་ཐེམ་བརྒྱུད་ནས་ཐོག་ཁང་དུ་འགྲོ་བ་མཐོང་། ཁོ་གཉིས་ཀྱིས་ཀྱང་བྱི་ལའི་ལད་མོ་བྱས་ཏེ་རྐང་ལག་བཞི་བོ་སར་བཙུགས་ཏེ་ཐོག་ཁང་ནང་དུ་སོང་། མཇལ་ཚར་རྗེས་ཕྱིར་ཇི་ལྟར་ཡོང་དགོས་པའང་མ་ཤེས་པར་འདུག་སྐབས། བྱི་ལ་ཐེམ་སྐས་སྟེང་ནས་མར་ལྡིང་གིན་ལྡིང་གིན་སོང་བ་མཐོང་རྗེས། མཇལ་བ་གཅིག་གིས་བྱི་ལའི་ལད་མོ་བྱས་ཏེ་མར་ལྡིང་གིན་ལྡིང་གིན་འགྲོ་རྩིས་བྱས་པ་ན། ཤུད་ནས་སྐས་རྟིང་བར་ཐོན་ཚེ། གཞན་དེས་ཨ་རོགས་ཇི་འདྲ་རེད་ཅེས་དྲིས་པ་ན། འོ་མྱུར་མོ་ཞིག་ཀྱང་རེད་ལ། རྩུབ་མོ་ཞིག་ཀྱང་རེད་གོ་ཞེས་བཤད་དོ།།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注