གྱ་བརྒྱད་པ། ཀྲུང་གོ་འདི་བཞིན་མི་གྲངས་དུང་ཕྱུར་བཅུ་གསུམ་ལྷག་ཡོད་པའི་རྒྱལ་ཁབ་ཅིག་བཅོས་སྒྱུར་གཏིང་ཟབ་ཏུ་སྤེལ་བར་ལས་སླ་མོ་ཞིག་གཏན་ནས་མིན། ཀྲུང་གོའི་བཅོས་སྒྱུར་ལ་ལོ་ངོ་སུམ་ཅུ་ལྷག་འགོར་བ་དང་། ད་ལྟ་གཏིང་ཟབ་སར་བསྐྱོད་ཟིན། ཡང་ན་འདི་ལྟར་བཤད་ཆོག་སྟེ། ལས་སླ་མོ་དང་སྤྲོ་བས་ཕྱུག་པའི་བཅོས་སྒྱུར་བྱས་ཚར་བ་དང་། ཁ་ལ་ཞིམ་པའི་ཤ་བཟས་ཚར། ད་ལྟ་ལྷག་ཡོད་པ་ནི་འཆའ་དཀའ་བའི་རུས་པ་སྲ་མོ་དག་ཡིན། དེ་བས་འདིས་ང་ཚོར་སྙིང་སྟོབས་ཆེ་དགོས་པ་དང་གོམ་སྟབས་བརྟན་དགོས་པའི་བླང་བྱ་བཏོན་ཡོད། སྙིང་སྟོབས་ཆེ་དགོས་པ་ནི་བཅོས་སྒྱུར་ལ་དཀའ་ངལ་ཇི་ལྟར་ཆེ་ཡང་མདུན་དུ་སྐྱོད་པ་དང་། འགན་ཁུར་ཕོད་པ། རུས་པ་སྲ་མོ་འཆའ་ཕོད་པ། ཉེན་ཁ་ཆེན་མོ་བརྒྱུད་ཕོད་པ་བཅས་ཡིན། གོམ་སྟབས་བརྟན་དགོས་པ་ནི་ཁ་ཕྱོགས་ངེས་པར་དུ་ཡང་དག་དགོས་པ་དང་། འགྲུལ་སྐྱོད་ངེས་པར་དུ་བརྟན་དགོས་པ། ལྷག་པར་དུ་གོ་ལྡོག་རང་བཞིན་གྱི་ནོར་འཁྲུལ་བཟོ་མི་རུང་བ་དེ་ཡིན། 

—《ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་ཆེད་དོན་བཏུས་སྒྲིག》ལས།