ཤེས་བྱའི་རྣམ་གྲངས་ཐོར་བུ། ལྔ་བ།

ཤེས་བྱའི་རྣམ་གྲངས་ཐོར་བུ། ལྔ་བ།

འགྲོ་བ་རིགས་དྲུག  ལྷ་དང་མི།  ལྷ་མ་ཡིན་གསུམ་ནི་བདེ་འགྲོ།  དམྱལ་བ་དང་དྭགས། དུད་འགྲོ་གསུམ་ནི་ངན་འགྲོ་དང་བཅས་ཏེ་དྲུག   

ཕ་རོལ་ཏུ་ཕྱིན་པ་དྲུག  སྦྱིན་པ་དང་ཚུལ་ཁྲིམས།  བཟོད་པ།  བརྩོན་འགྲུས།   བསམ་གཏན།  ཤེས་རབ་ཀྱི་ཕ་རོལ་ཏུ་ཕྱིན་པ་སྟེ་དྲུག   

འཕྱིང་བ་རྩེ་དྲུག  སྔར་བོད་རྒྱལ་ལེགས་དྲུག་སྐབས་འཕྱོང་རྒྱས་སུ་བཏབ་པའི་ཕོ་བྲང་དྲུག་སྟེ།  སྟག་རྩེ་དང་རྒོད་རྩེ།  ཡང་རྩེ་དང་ཁྲི་རྩེ། རྩེ་མོ་ཁྱུང་རྒྱལ།  ཁྲི་བརྩེགས་འབུམ་གདུགས་བཅས་སོ།།

བོད་གྱི་ཁོད་དྲུག   སྔར་བོད་ཡུལ་རུ་ཆེན་སྟར་འབྱེད་པ་དང༌། ཡུལ་གྱི་དབང་རིས་རྣམ་པ་བཅོ་བརྒྱད་དུ་གཅོད་པ།  རྒོད་ཀྱི་སྟོང་སྡེ་དྲུག་ཅུ་རེ་གཅིག་ཏུ་འབྱེད་པ།  གཡུང་གི་མི་སྡེ་ཁེང་དང་ཡང་ཁེང་དུ་འབྱེད་པ། ཞང་གསུམ་བློན་བཅས་ཀྱིས་དབུས་ཀྱི་འདུས་ས་འཛིན་པ།  དཔལ་སྡེ་གསུམ་གྱིས་མཐའི་སོ་ཁ་སྲུང་བ་སྟེ་སྲོང་བཙན་སྒམ་པོའི་སྐབས་བོད་དུ་ལག་ལེན་བསྟར་བའི་བྱ་བཞག་གི་རིགས་ཤིག  

དབུ་མ་རིགས་ཚོགས་དྲུག  རྩ་བ་ཤེས་རབ།  རྩོད་བཟློག སྟོང་ཉིད་བདུན་ཅུ།   རིགས་པ་དྲུག་ཅུ།   ཞིབ་མོ་རྣམ་འཐག   རིན་ཆེན་ཕྲེང་བ་བཅས་སོ།།

དབུས་ཀྱི་གདན་ས་ཆེན་པོ་དྲུག་ནི།   ༡གསང་ཕུ།  ༢བདེ་བ་ཅན་རྭ་བ་སྟོད།  ༣ཚལ་གུང་ཐང༌།  ༤དགའ་གདོང༌། ༥སྐྱོར་མོ་ལུང༌། ༦ཟུལ་ཕུ་བཅས་ལ་ཡོངས་གྲགས་སུ་གསང་བདེ་གུང་གསུམ་དགའ་སྐྱོར་ཟུལ་གསུམ་ཟེར།

མི་བུ་རིགས་དྲུག་ནི།སེ།རྨུ། ལྡོང༌། སྟོང༌། དབྲ། འབྲུ་སྟེ་བོད་ཀྱི་ཐོག་མའི་རིགས་དྲུག  

སྨད་མདོ་ཁམས་སྒང་དྲུག  བོད་ཡུལ་གྱི་སྨད་ཕྱོགས་ཟལ་མོ་སྒང་དང་ཚ་བ་སྒང༌། སྨར་ཁམས་སྒང༌། སྦོ་འབོར་སྒང༌། དམར་རྫ་སྒང༌།  མི་ཉག་རབ་སྒང་བཅས་དྲུག་གོ།

ཚིག་སྡུད་དྲུག   ལས་འཛིན་པའི་བསྡུ་བ། བ་གཉིས་བའི་བསྡུ་བ། དེའི་སྐྱེས་པའི་བསྡུ་བ།  འབྲུ་མང་བའི་བསྡུ་བ།  ཟླས་དབྱེ་བའི་བསྡུ་བ། མི་ཟད་པའི་བསྡུ་བའོ།།

ཡབ་འབངས་རུས་དྲུག  ལྷོ།  གཉགས།  ཁྱུང༌།  སྣུབས། སེ། སྤོ་བཅས་དྲུག