འཛམ་གླིང་དཔེ་ཀློག་ཉིན་མོའི་བྱུང་འཕེལ་ངོ་སྤྲོད་མདོར་བསྡུས།

དེ་ཡང་། ཟླ4པའི་ཚེས23ཉིན་ནི་འཛམ་གླིང་དཔེ་ཀློག་ཉིན་མོ་ཡིན་ལ“འཛམ་གླིང་དཔེ་དེབ་དང་པར་དབང་ཉིན་མོའམ”ཡང་ན“འཛམ་གླིང་དཔེ་དེབ་ཉིན་མོ”ཞེས་ཀྱང་འབོད། ཐོག་མའི་དུས་སུ་ཉི་མ་ཁྱད་པར་བ་འདི་ནི་རྒྱལ་སྤྱིའི་དཔེ་སྐྲུན་ཚོང་པའི་མཐུན་ཚོགས་ཀྱིས་རྩ་འཛུགས་བྱས་ཏེ་བྱུང་བ་ཞིག་རེད། སི་ཕེན་གྱིས་ཇུས་གཞི་དེ་མཉམ་འབྲེལ་རྒྱལ་ཚོགས་ཀྱི་སློབ་གསོ་དང་ཚན་རིག་རིག་གནས་རྩ་འཛུགས་ཚོགས་པར་བརྒྱུད་སྤྲོད་བྱས་ཤིང་། 1995ལོའི་ཟླ1པོའི་ཚེས15ཉིན། ལོ་རེའི་ཟླ4པའི་ཚེས23ཉིན་ནི་འཛམ་གླིང་དཔེ་ཀློག་ཉིན་མོ་ཡིན་པ་དངོས་སུ་གཏན་འཁེལ་བྱས། དེའི་དམིགས་ཡུལ་གཙོ་བོ་ནི་འགྲོ་བ་མི་རྣམས་དཔེ་ཀློག་དང་རྩོམ་འབྲི་ལ་འཇུག་པར་སྐུལ་འདེད་གཏོང་བའི་ཆེད་དང་། མི་རྣམས་ཀྱིས་རང་ཅག་འགྲོ་བ་མིའི་རིགས་ཀྱི་ཤེས་དཔལ་ལ་ལེགས་སྐྱེས་ཆེན་པོ་ཕུལ་མྱོང་བའི་རྩོམ་རིག་དང་རིག་གནས། ཚན་རིག བསམ་བློ་བཅས་ཀྱི་སྔོན་བྱོན་དམ་པ་རྣམས་ཀྱི་བཀའ་དྲིན་དྲན་པ་དང་། བཀའ་དྲིན་ཞུ་བ། ད་ལྟའི་མཁས་པ་རྣམས་ལ་གུས་བཀུར་བྱེད་པ། རྩོམ་དབང་ལ་སྲུང་སྐྱོབ་བྱེད་པ་བཅས་ལ་སྐུལ་འདེད་ཡོང་བའི་ཆེད་ཡིན། 

ལོ་རེའི་ཉིན་མོ་འདིར་འཛམ་གླིང་གི་ཡུལ་གྲུ་སོ་སོའི་རྒྱལ་ཁབ་བརྒྱ་ལྷག་གིས་དུས་གཅིག་ཏུ་ཉིན་མོ་འདིར་རྟེན་འབྲེལ་ཞུ་བ་དང་དཔེ་ཀློག་གི་ཁ་གཡང་འབོད་པ་སོགས་ཀྱི་བྱེད་སྒོ་སྣ་ཚོགས་སྤེལ་བཞིན་ཡོད།