མཚོ་བྱང་ཁུལ་སྲིད་གཞུང་གི་ཏང་ཙུའུ་ཡི་ཚོགས་འདུ་དང་རྒྱུན་ལས་ཚོགས་འདུ་འཚོགས།
ཀྲང་ཧྲིང་ཡོན་གྱིས་གཙོ་སྐྱོང་གནང་།
ཚོགས་ཐོག་ཏུ་རྒྱལ་ཡོངས་དང་ཞིང་ཆེན་ཡོངས་ཀྱི་ཕྱོགས་བསྡུས་སྨན་བཅོས་བཅོས་སྒྱུར་བྱ་བའི་ཚོགས་འདུའི་དགོངས་དོན་སློབ་སྦྱོང་བྱས་ཏེ། རང་ཁུལ་གྱི་ལག་བསྟར་བསམ་འཆར་ལ་ཞིབ་འཇུག་བྱས། ཚོགས་ཐོག་ཏུ་ཕྱོགས་བསྡུས་སྨན་བཅོས་བཅོས་སྒྱུར་བྱ་བའི་ཚོགས་འདུའི་དགོངས་དོན་ཕྱོགས་ཡོངས་ནས་ལག་བསྟར་དོན་འཁྱོལ་བྱས་ཏེ། སྨན་བཅོས་འགན་བཅོལ་དང་སྨན་བཅོས། སྨན་རྫས་བཅས་མཐུན་སྦྱོར་ངང་འཕེལ་རྒྱས་དང་བཅོས་སྐྱོང་ལ་སྐུལ་འདེད་བཏང་ནས། མང་ཚོགས་ཀྱིས་སྨན་པར་སྟོན་དཀའ་བ་དང་སྨན་བཅོས་བྱེད་པའི་རིན་གོང་མཐོ་བ། སྨན་བཅོས་བྱེད་པའི་ལམ་ཐག་རིང་བ་བཅས་ཀྱི་གནད་དོན་རྒྱུན་མཐུད་ངང་ཞི་ལྷོད་དུ་གཏོང་དགོས་ཤིང་། རང་ཁུལ་གྱི་སྨན་བཅོས་བཅོས་སྒྱུར་བྱ་བར་གྲུབ་འབྲས་གསར་པ་ཐོབ་པར་འགན་ལེན་བྱེད་དགོས་པའི་བླང་བྱ་བཏོན།
ཚོགས་ཐོག་ཏུ《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དམངས་དོན་བཅའ་ཁྲིམས》དང《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཟའ་བཅའི་བདེ་འཇགས་བཅའ་ཁྲིམས》ལ་སློབ་སྦྱོང་བྱས་ཏེ། 《དམངས་དོན་བཅའ་ཁྲིམས》དང《བཟའ་བཅའི་བདེ་འཇགས་བཅའ་ཁྲིམས》ཀྱི་དོན་སྙིང་གལ་ཆེན་ལ་ངོས་འཛིན་གཏིང་ཟབ་བྱེད་དགོས་པ་དང་། སྣེ་ཁྲིད་དེ་བཅའ་ཁྲིམས་གཉིས་དྲིལ་སྒྲོག་དང་སྐུལ་འདེད། ལག་བསྟར་བྱ་རྒྱུའི་འགན་ལེན་བྱེད་པ་དང་། ཞིབ་བཤེར་དང་ལྟ་སྐུལ་ལ་ཤུགས་བསྣན་ནས་ཕྱོགས་ཡོངས་དང་ནུས་ལྡན་ངང་ལག་བསྟར་ཐུབ་པའི་འགན་ལེན་བྱེད་དགོས་པའི་བླང་བྱ་བཏོན།
ཚོགས་ཐོག་ཏུ་ཞིང་ཆེན་ཡོངས་ཀྱི་ཏང་ཡོན་ལས་བྱེད་པས་སྒྲིག་འགལ་ངང་བཟའ་འཐུང་བྱེད་པའི“གཏན་འགོག་བཅུ”སློབ་སྦྱོང་བྱས་པ་དང་འབྲེལ“གཏན་འགོག་བཅུའི”སྒྲིག་ཁྲིམས་གཏན་འབེབས་དོན་འཁྱོལ་ནན་མོ་བྱས་ཏེ་བྱ་བའི་སྤྱོད་ཚུལ་ཇེ་ལེགས་སུ་གཏོང་བའི་མདུན་དམག་ཡག་པོ་བྱེད་པ་དང་། རང་ཉིད་ཀྱི“འགན་འཁྲིའི་ས་ཞིང”ཡག་པོ་འདེབས་པ། “འཐབ་ས་དང་པོའི་བྱ་བའི་བཅའ་ཁྲིམས”ལག་ལེན་ཏན་ཏིག་བསྟར་བ། བརྟག་ཞིབ་བྱེད་སྒོ་ཆེན་པོ་གཏིང་ཟབ་སྤེལ་བ། མང་ཚོགས་ཀྱི་བསམ་འཆར་དང་འབོད་སྒྲར་མང་ཙམ་ཉན་པ། བྱ་བ་སོ་སོའི་ཟུང་འབྲེལ་བྱེད་གནས་དང་འཇུག་སྒོ་འཕྱུགས་མེད་སྒོས་འཚོལ་བ་བཅས་བྱས་ནས་གཞི་རིམ་མང་ཚོགས་ཀྱིས་འཕྲལ་དུ་ཐག་གཅོད་བྱེད་དགོས་པར་རེ་བའི་དཀའ་གནད་དང་གནད་དོན་སེལ་གང་ཐུབ་བྱེད་དགོས་ལ། དམར་ཐིག་གི་འདུ་ཤེས་དང་མཐའ་ཚད་ཀྱི་བསམ་བློ་བརྟན་པོར་འཛུགས་པ་དང་བྱ་བའི་སྤྱོད་ཚུལ་ལ་འགྱུར་ལྡོག་ཏན་ཏིག་གཏོང་བ། སྲིད་གཙང་གི་འདུ་ཤེས་ཟབ་ཏུ་གཏོང་བ། དབང་ཆ་དྲང་གཞག་སྤྱོད་པ། ཁྲིམས་ལྟར་དབང་ཆ་སྤྱོད་པ། དམངས་ཀྱི་ཆེད་དུ་དབང་ཆ་སྤྱོད་པ་བཅས་བྱས་ཏེ་ཏང་ཡོན་མགོ་ཁྲིད་ལས་བྱེད་པའི་སྣང་བརྙན་བཟང་པོ་གཏོད་དགོས་པའི་བླང་བྱ་བཏོན།
ཚོགས་ཐོག་ཏུ་ད་དུང་དོན་ཚན་གཞན་དག་ལ་ཞིབ་འཇུག་བྱས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注