ཐ་མག་བཅད་ན་ཕན་ཡོན་མང་པོ་ལྡན།

ཐ་མག་བཅད་ན་ཕན་ཡོན་མང་པོ་ལྡན།

གཅིག སྐྲན་ནད་ཕོག་ཉེན་ཇེ་ཆུང་དུ་འགྲོ་བ།

ཐ་མག་བཅད་དེ་ལོ5ནས10འགོར་རྗེས། གློ་བའི་འབྲས་སྐྲན་གྱི་ཤི་ཚད་ཐ་མག་མི་འཐེན་མཁན་ལས་ཅུང་མང་། འོན་ཀྱང་ཐ་མག་བཅད་དེ་ལོ10ནས15འགོར་རྗེས། གློ་བའི་འབྲས་སྐྲན་ཕོག་ཚད་ཐ་མག་མི་འཐེན་མཁན་དང་གཅིག་མཚུངས་རེད། འཇར་པན་གྱིས་བརྟག་དཔྱད་བྱས་པར་གཞིགས་ན། ཐ་མག་རྐང་ཁྲི20ནང་ཚུན་འཐེན་མཁན་ཞིག་གིས་ཐ་མག་བཅད་ནས་ལོ4འགོར་རྗེས། གློ་བའི་འབྲས་སྐྲན་གྱི་ཤི་ཚད་ཐ་མག་མི་འཐེན་མཁན་དང་གཅིག་མཚུངས་ཡིན་པ་དང་། ཐ་མག་བཅད་ན་ད་དུང་མགྲིན་པའི་འབྲས་སྐྲན་དང་། ཁ་སྦུག་གི་འབྲས་སྐྲན། བད་ཀན་མིད་འཆུས་ནད། གཤེར་མའི་འབྲས་སྐྲན། ལྒང་པའི་འབྲས་སྐྲན་སོགས་སྐྲན་ནད་རིགས་མང་པོ་ཕོག་ཚད་ཇེ་ཉུང་དུ་གཏོང་ཐུབ།

གཉིས། ཀླད་སྙིང་ཁྲག་རྩའི་ནད་ཕོག་ཚད་ཇེ་ཉུང་དུ་འགྲོ་བ།

ཀླད་སྙིང་ཁྲག་རྩའི་ནད་གཞི་ཕོག་པའི་ནད་པས་ཐ་མག་བཅད་ནས་ལོ་གཅིག་འགོར་རྗེས་འཆི་ཚད50%ཙམ་ཇེ་དམའ་རུ་འགྲོ་བ་དང་། དེ་ནས་ལོ15ཡི་རྗེས་སུ་ཐ་མག་མི་འཐེན་མཁན་དང་གཅིག་མཚུངས་རེད། ད་དུང་ཐ་མག་བཅད་ན་སྙིང་རྩ་འགག་པའི་ནད་གཞིའང་སྔོན་འགོག་བྱ་ཐུབ།

གསུམ། གློ་ནད་རིགས་ཇེ་ཉུང་དུ་འགྲོ་བ།

ཐ་མག་འཐེན་མཁན་ལ་གློ་བའི་ནད་རིགས་ཏེ་དཔེར་ན་དལ་གཤིས་གློ་ཡུའི་གཉན་ཚད་དང་གློ་བ་རླུང་སྐྲངས་སོགས་ཕོག་བཞིན་ཡོད། དེ་ནི་ཐ་མག་མི་འཐེན་མཁན་གྱི་ལྡབ4ནས25རེད། ཐ་མག་བཅད་དེ་གཟའ་འཁོར་འགའ་འགོར་རྗེས་ལུད་པ་ཇེ་ཉུང་དུ་འགྲོ་བ་དང་ཆབས་ཅིག ཆམ་པ་དང་གློ་ཡུའི་གཉན་ཚད་བཅས་ཕོག་པའི་ཉེན་ཁ་ཇེ་ཆུང་དུ་གཏོང་ཐུབ་ལ། གློ་བའི་ནུས་པ་ཇེ་སྡུག་ཏུ་འགྲོ་བ་སྔོན་འགོག་བྱ་ཐུབ།

བཞི། སྨུག་པོའི་ནད་སངས་དྲག་ཏུ་འགྲོ་བ།

ཐ་མག་འཐེན་མཁན་ལ་ཕོ་བ་དང་རྒྱུ་སོར་བཅུ་གཉིས་ཀྱི་སྨུག་པོའི་ནད་ཕོག་ཉེན་ཆེ་ཙམ་ཡོད་པར་མ་ཟད། ཐ་མག་མ་བཅད་ན་སངས་དྲག་ཏུ་འགྲོ་དཀའ། དེར་བརྟེན་ཕོ་བ་དང་རྒྱུ་སོར་བཅུ་གཉིས་ཀྱི་སྨུག་པོའི་ནད་ཕོག་མཁན་གྱིས་ངེས་པར་ཐ་མག་བཅད་ནས་སྨུག་པོའི་ནད་དྲག་སྐྱེད་ཡོང་ཐབས་བྱ་དགོས།

ལྔ། ཚེ་ཐག་ཇེ་ཐུང་དུ་འགྲོ་བ་འགོག་ཐུབ།

ཐ་མག་འཐེན་མཁན་གྱི་ཆ་སྙོམས་ཚེ་ཐག་ཐ་མག་མི་འཐེན་མཁན་ལས་ཐུང་བ་རེད།（ཐ་མག་མང་པོ་འཐེན་མཁན་གྱི་ཚེ་ཐག་ལོ6ནས9བར་ཇེ་ཐུང་དུ་འགྲོ་བ）དཔེར་ན་ལོ25ལ་སླེབས་པའི་མིས་ཉིན་གཅིག་ལ་ཐ་མག་རྐང40འཐེན་ན། ཁོའི་ཚེ་ཐག་ལོ་མཉམ་གྱི་ཐ་མག་མི་འཐེན་མཁན་ལས་ལོ8.3གྱིས་ཐུང་བ་རེད། ཐ་མག་གཅོད་མཁན་གྱི་ཚེ་ཐག་ཐ་མག་འཐེན་མཁན་ལས་རིང་བ་རེད། ཐ་མག་བཅད་ནས་ལོ10ནས15བར་འགོར་རྗེས། ཆ་སྙོམས་ཀྱི་ཚེ་ཐག་ཐ་མག་མི་འཐེན་མཁན་དང་གཅིག་མཚུངས་རེད།

དྲུག ཉེ་འགྲམ་གྱི་ཁོར་ཡུག་ཇེ་གཙང་དུ་གཏོང་ཐུབ།

ཐ་མག་བཅད་རྗེས་ལས་ཀའི་ཁོར་ཡུག་དང་འཚོ་བའི་ཁོར་ཡུག་གི་མཁའ་རླུང་གཙང་མར་གྱུར་ཏེ། མི་གཞན་ལ་དགོས་མེད་ཀྱི་གནོད་འཚེ་མི་བཟོ་བ་དང་རྙོག་དྲ་ཡང་མི་བཟོ་བས། ལས་རོགས་བར་གྱི་འབྲེལ་བ་ཇེ་ལེགས་སུ་འགྲོ་བ་དང་ནང་མིའི་བར་གྱི་འགལ་ཟླ་ཇེ་ཉུང་དུ་འགྲོ་སྲིད།

བདུན། རིག་པ་གསལ་བ་དང་ཤ་མདངས་ཇེ་ཡག་ཏུ་འགྲོ་བ།

ཐ་མག་བཅད་རྗེས་རིག་པ་དེ་བས་གསལ་བ་དང་བློ་རྩེ་དེ་བས་གཅིག་ཏུ་སྒྲིམ་ཐུབ། དེ་དང་ཆབས་ཅིག ཐ་མག་བཅད་རྗེས། གཉེར་མ་དང་པགས་མདོག་སྐྱ་བོ་རིམ་གྱིས་ཡལ་ནས། བདེ་ཐང་དང་གཞོན་ཉམས་ཇེ་དོད་དུ་འགྲོ་ཐུབ།