ཐོའུ་པའོ་རིགས་ཀྱི་སྨན་འཐུང་རྗེས་ཅི་ཙམ་འགོར་ན་ད་གཟོད་ཆང་འཐུང་ཆོག་གམ།

ཐོའུ་པའོ་རིགས་ཀྱི་སྨན་འཐུང་རྗེས་ཅི་ཙམ་འགོར་ན་ད་གཟོད་ཆང་འཐུང་ཆོག

ཐོའུ་པའོ་རིགས་ཀྱི་སྨན་རྫས་ནི་ང་ཚོའི་འཚོ་བའི་ཁྲོད་རྒྱུན་དུ་མཐོང་བའི་སྲིན་འགོག་སྨན་རྫས་ཤིག་ཡིན་ལ། ཐོའུ་པའོ་དང་ཆང་མཉམ་དུ་འཐུང་མི་ཆོག་པ་ནི་འཚོ་བའི་ཁྲོད་ཀྱི་རྒྱུན་ཤེས་ཤིག་རེད། འོ་ན་ཆང་འཐུང་རྗེས་དུས་ཚོད་ཅི་ཙམ་འགོར་ན་ད་གཟོད་ཐོའུ་པའོ་རིགས་ཀྱི་སྨན་འཐུང་ཆོག་པ་དང་། ཐོའུ་པའོ་རིགས་ཀྱི་སྨན་འཐུང་རྗེས་དུས་ཚོད་ཅི་ཙམ་འགོར་ན་ཆང་འཐུང་ཆོག་པ། དེ་གཉིས་བར་ལ་འཇོག་དགོས་པའི་དུས་ཡུན་འདྲ་མཚུངས་ཡིན་མིན་སོགས་ཀྱི་ཐད་ནས་རེ་རེ་བཞིན་གསལ་བཤད་ཅིག་བྱ། 

ཆང་གི་གྲུབ་ཆ་གཙོ་བོ་ནི་ཁྲུན་ཁ་པ་ཡིན་ལ། ཆང་འཐུང་རྗེས་དེ་ཉིད་ལུས་ནང་དུ་དབྱང་འགྱུར་དང་ཚབ་བརྗེ་བྱས་ཏེ་ཆོན་ཁ་པ་རུ་འགྱུར་བ་དང་། ཆོན་ཁ་པ་དེ་ཆོན་ཁ་པའི་ཆིན་འདོར་རྩབས་ཀྱི་བྱེད་ནུས་འོག་གནོད་མེད་དབྱང་གཉིས་ཐན་རྫས་དང་ཆུ་རུ་གྱུར་ཏེ་ལུས་ཕྱིར་འབུད་པ་ཡིན། ཡིན་ནའང་ཐོའུ་པའོ་རིགས་ཀྱི་སྨན་རྫས་ཀྱིས་ཆོན་ཁ་པ་ཚབ་བརྗེ་བྱེད་པར་ཤུགས་རྐྱེན་ཐེབས་ཏེ། ལུས་ནང་ལ་ཆོན་ཁ་པ་མང་པོ་བསགས་ནས་ཆོན་ཁ་པའི་དུག་ཕོག་པའི་སྣང་ཚུལ་འབྱུང་སྲིད་ལ། ནད་རྟགས་སུ་ངོ་གདོང་དམར་པོར་འགྱུར་བ་དང་མགོ་ན་བ། ཕོ་བ་ན་བ། རྔུལ་ཆུ་བཞུར་བ། སྙིང་གཡུག་པ། སྐྱུག་པ། ཞེན་ཁ་ལོག་པ། དབུགས་ལེན་དཀའ་བ་སོགས་འབྱུང་སྲིད་པ་དང་། ཚབས་ཆེ་ན་ཚོར་ལོག་བྱུང་སྟེ་བརྒྱལ་བ་དང་ཤི་བའི་སྣང་ཚུལ་ཡང་ཡོད། སྣང་ཚུལ་དེ་རིགས་ལ་ང་ཚོས་མུ་ལོན་ཟུང་འདྲའི་འགྱུར་འབྱུང་ཟེར།