ང་ཚོའི་ཁྱིམ་གཞིས། བར་སྐོར་ནང་གི་སྲོལ་རྒྱུན་རིག་གནས་དང་དམངས་སྲོལ་གོམས་སྲོལ་མྱོང་རོལ་བྱ།

ང་ཚོའི་ཁྱིམ་གཞིས། བར་སྐོར་ནང་གི་སྲོལ་རྒྱུན་རིག་གནས་དང་དམངས་སྲོལ་གོམས་སྲོལ་མྱོང་རོལ་བྱ། 

ཉེ་ཆར། “ང་ཚོའི་ཁྱིམ་གཞིས། བདེ་སྐྱིད་དང་མཛེས་སྡུག་ལྡན་པའི་བོད་ལྗོངས་”ཞེས་པའི་དྲ་རྒྱའི་བརྗོད་དོན་བྱེད་སྒོའི་བཅར་འདྲི་ཚོགས་པ་བར་སྐོར་ནང་དུ་བསྐྱོད་དེ་གནའ་གྲོང་གི་སྲོལ་རྒྱུན་རིག་གནས་དང་དམངས་སྲོལ་གོམས་སྲོལ་མཉམ་འདྲེས་ཀྱི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་མྱོང་རོལ་བྱས་པ་ཡིན།

ལྷ་ས་གྲོང་ཁྱེར་གྱི་གྲོང་ཁུལ་རྙིང་པར་གནས་པའི་བར་སྐོར་ལ་ད་བར་ལོ་ངོ1300ལྷག་ཙམ་གྱི་ལོ་རྒྱུསཡོད། དེ་གར་མི་རིགས་མང་པོ་ཞི་མཐུན་མཉམ་གནས་བྱས་ཤིང་། གནའ་གྲོང་གི་སྲོལ་རྒྱུན་རྣམ་པ་དང་སྡོད་གནས། བྱ་བྱེད་བཅས་ཆ་ཚང་ཙམ་ཉར་ཚགས་བྱས་ཡོད་པས། 2009ལོའི་ཟླ6པར་“ཀྲུང་གོའི་ལོ་རྒྱུས་རིག་གནས་ཀྱི་སྲང་ལམ་”ཁག་དང་པོའི་ནང་བདམས་ཐོན་བྱུང་ཡོད།

བར་སྐོར་གྱི་ཟུར་ཞིག

2023ལོའི་ཟླ7པའི་ཚེས10ཉིན། ཁྲེང་ཀོན་ཆུས་བར་སྐོར་སྲང་ལམ་ཡུལ་སྐོར་པར་ལེན་ལས་རིགས་མཐུན་ཚོགས（བོད་ཀྱི་གྱོན་ཆས་ཉམས་ལེན）ཐོག་མར་བཙུགས་པ་རེད། ལྷ་ས་གྲོང་ཁྱེར་ཁྲེང་ཀོན་ཆུས་བར་སྐོར་སྲང་ལམ་གཞུང་དོན་གཅོད་ཁྲུའུ་ཡི་ཧྲུའུ་ཅི་ཚུལ་ཁྲིམས་ཀྱིས་མཐུན་ཚོགས་བཙུགས་པ་དེས་གྲོང་ཁུལ་རྙིང་པའི་ཡུལ་སྐོར་པར་ལེན་ལས་རིགས་ཚད་ལྡན་དོ་དམ་བཟོ་རྒྱུར་ཤུགས་སྣོན་བརྒྱབ་པ་དང་། ཡུལ་སྐོར་བས་བོད་མི་རིགས་ཀྱི་རིག་གནས་ལ་ངོས་འཛིན་དང་བསམ་ཤེས་བྱ་རྒྱུར་དེ་བས་ཁྲིད་སྟོན་ལེགས་པོ་ཐུབ་ཡོད་ལུགས་བསྟན།