ཞེ་བརྒྱད་པ། མར་ཁེ་སི་རིང་ལུགས་ཀྱི་བསམ་བློའི་གཞུང་ལུགས་རྒྱ་ཆེ་ཞིང་གཏིང་ཟབ་པས། རྒྱུན་དུ་བསླབས་ན་རྟག་པར་གོ་རྟོགས་གསར་པ་འཕེལ། དུས་རབས་གསར་པར། ཀྲུང་གོའི་གུང་ཁྲན་ཏང་མིས་སྔར་བཞིན་མར་ཁེ་སི་རིང་ལུགས་སློབ་དགོས་པ་དང་། མར་ཁེ་སི་རིང་ལུགས་སློབ་སྦྱོང་དང་ལག་ལེན་ལ་བརྩོན་པའི་ཁྲོད། ཚན་རིག་དང་མཐུན་པའི་བློ་གྲོས་དང་གཞུང་ལུགས་སྟོབས་ཤུགས་མུ་མཐུད་དུ་སྡུད་པ་དང་། “གནས་ལྔ་གཞི་གཅིག”གི་སྤྱི་ཁོག་བཀོད་སྒྲིག་ལ་སྤྱི་འདོམས་སྐུལ་འདེད་གཏོང་བ་དང“ཕྱོགས་ཡོངས་བཞིའི”འཐབ་ཇུས་བཀོད་སྒྲིག་ལ་མཐུན་སྦྱོར་སྐུལ་འདེད་གཏོང་བའི་ཁྲོད། སྔར་ལས་ངེས་ཤུགས་ཡོད་པ་དང་ཡིད་ཆེས་ཡོད་པ། བློ་གྲོས་ཡོད་པའི་སྒོ་ནས་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་རྒྱུན་འཁྱོངས་བྱས་ཤིང་འཕེལ་རྒྱས་བཏང་སྟེ། ཀྲུང་ཧྭ་མི་རིགས་བསྐྱར་དར་རླབས་པོ་ཆེའི་གྲུ་གཟེངས་ཆེན་མོ་དུས་དང་རྣམ་པ་ཀུན་ཏུ་ཡང་དག་པའི་ཁ་ཕྱོགས་དེད་ནས་རླབས་གཤགས་མདུན་སྐྱོད་ཐུབ་པར་ཁག་ཐེག་བྱེད་དགོས།