མཚོ་སྔོན་ཚོང་གཏམ་གྲོས་ཚོགས་ཐོག་མཚོ་བྱང་ཁུལ་གྱིས་ལས་གཞི23ལ་གན་རྒྱ་བཞག་པ་དང་གན་རྒྱ་འཇོག་པའི་མ་དངུལ་སྒོར་དུང་ཕྱུར22.16ཟིན་ཡོད། 

   ཟླ7པའི་ཚེས24ཉིན། ཟི་ལིང་གྲོང་ཁྱེར་དུ་སྤེལ་བའི་ཀྲུང་གོ·མཚོ་སྔོན་ལྗང་མདོག་འཕེལ་རྒྱས་མ་འཇོག་ཚོང་དོན་ངོ་འཕྲད་གྲོས་མོལ་ཚོགས་འདུའི་མཚོ་བྱང་ཁུལ་གྱི་ཚོང་འགུགས་མ་འདྲེན་ལས་གཞིའི་ཆེད་དོན་གན་རྒྱ་འཇོག་པའི་མཛད་སྒོའི་ཐོག་ལས་གཞི23ལ་རྒྱལ་ཁའི་ངང་གན་རྒྱ་བཞག་པ་དང་གན་རྒྱ་འཇོག་པའི་མ་དངུལ་སྒོར་དུང་ཕྱུར22.16ཟིན། དེའི་ནང་སྒོར་དུང་ཕྱུར1ཡན་གྱི་ལས་གཞི9ཡོད་པ་དེས་གན་རྒྱ་བཞག་པའི་བསྡོམས་འབོར་གྱི82.36%ཟིན་ཡོད་ལ། ནུས་རྒྱུ་གཙང་མ་དང་ས་མཐོའི་སྐྱེ་ཁམས་ཞིང་ཕྱུགས་ལས། ཁྱད་ལྡན་རིག་གནས་ཡུལ་སྐོར། གཞི་གྲངས་ཆེན་མོའི་ཐོན་ལས་སོགས་ཀྱིས་གཙོ་བོ་བྱས་པའི་གཙོ་གནད་ཐོན་ལས་ལས་གཞི12ལ་གན་རྒྱ་བཞག་པའི་མ་དངུལ་སྒོར་དུང་ཕྱུར16.42ཟིན་པ་དེས་གན་རྒྱ་བཞག་པའི་བསྡོམས་འབོར་གྱི74.1%ཟིན་ཡོད། གན་རྒྱ་འཇོག་པའི་ལས་གཞི་ལ“ལྗང་མདོག་གི”ཟིན་ཚད་མཐོ་བ་དང“གསར་པའི”གྲུབ་ཆ་ལེགས་པ། དངོས་པོའི”གྲུབ་ཆ་འདང་ངེས་ཡོད་པ་སོགས་ཀྱི་ཁྱད་ཆོས་མངོན་ཡོད། ལས་གཞི་དེ་དག་ལ་གན་རྒྱ་བཞག་པ་དེས་མཚོ་བྱང་ཁུལ་གྱིས“243”གྱི་འཕེལ་རྒྱས་ཀྱི་བཀོད་པ་མགྱོགས་མྱུར་སྒོས་འཛུགས་པ་དང་ཐོན་ལས་ཀྱི་གྲུབ་ཆ་ཕྱོགས་སྒྱུར་རིམ་སྤོར་ལ་སྐུལ་འདེད་གཏོང་པ། དེང་རབས་ལྗང་མདོག་ཐོན་ལས་མ་ལག་གཏོད་རྒྱུ་བཅས་ལ་འདེགས་སྐྱོར་ཤུགས་ཆེན་དང་གསོན་ཤུགས་གསར་པ་མཁོ་འདོན་བྱས་ཡོད།

   ཁུལ་ཨུའི་ཧྲུའུ་ཅི་ཤ་བོ་སྐྱབས་གན་རྒྱ་འཇོག་པའི་མཛད་སྒོར་ཕེབས་པ་དང་འབྲེལ་ཤིས་ཚིག་ཕུལ་ལ། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་གྱིས་གན་རྒྱ་འཇོག་པའི་མཛད་སྒོ་གཙོ་སྐྱོང་གནང་། ཁུལ་དམངས་ཆེན་དང་ཁུལ་སྲིད་གྲོས། རྫོང་བཞིའི་ཏང་སྲིད་མགོ་ཁྲིད་གཙོ་བོ་བཅས་དང་དེ་བཞིན་ཁུལ་ཐད་གཏོགས་སྡེ་ཁག་སོ་སོའི་འགན་འཁུར་བློ་མཐུན་གཙོ་བོ་མཛད་སྒོར་ཞུགས། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་ཝང་ཞན་དང་ཞིང་ཆེན་བཟོ་འཕྲིན་ཐིན། ཞིང་ཆེན་ཚོང་དོན་ཐིན། ཞིང་ཆེན་སྐུད་མེད་གློག་འཕྲིན་གཞུང་ལས་ཁང་གི་འབྲེལ་ཡོད་འགན་འཁུར་བ་བཅས་གན་རྒྱ་འཇོག་པའི་མཛད་སྒོར་གདན་ཞུ་བྱས།