ཟླ7པའི་ཚེས22ཉིན་གྱི་ཕྱི་དྲོར། ཁུལ་ཨུའི་ཧྲུའུ་ཅི་ཤ་བོ་སྐྱབས་དང་། ཁུལ་ཨའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་གྱིས་ཟི་ལིང་དུ་ཀྲུང་གོའི་ཀོང་ཧོ་ཉིང་རྡུལ་སྡེ་ཚོགས་ནུས་རྒྱུ་གསར་པའི་མ་རྐང་ཚོད་འཛིན་སྤྱི་གཉེར་ཁང་གི་སྤྱི་གཉེར་བ་གཞོན་པ་ཏིང་ཡེ་ལེའང་འཁོར་དང་བཅས་པར་མཚོ་བྱང་ཁུལ་གྱི་ནུས་རྒྱུ་གཙང་མའི་ཐོན་ལས་འཕེལ་རྒྱས་གཏོང་རྒྱུའི་ཐད་བཞུགས་མོལ་བརྗེ་རེས་གནང་པ།
བཞུགས་མོལ་ཚོགས་འདུའི་ཐོག ཀྲུང་གོའི་ཀོང་ཧོ་ཉིང་རྡུལ་སྡེ་ཚོགས་ཕྱོགས་ཀྱིས་སྤྱི་གཉེར་ཁང་གི་ལས་སྒོ་སྤེལ་བའི་གནས་ཚུལ་དང་། ནུས་རྒྱུ་གསར་པའི་མ་རྐང་ཚོད་འཛིན་སྤྱི་གཉེར་གྱི་གནས་ཚུལ་མདོར་བསྡུས། འོད་དྲོད་གློག་འདོན་ལག་རྩལ་གྱི་རྩ་བའི་རིགས་པ་དང་འཕེལ་རྒྱས་ཀྱི་ལོ་རྒྱུས། ཁྱད་ཆོས་དང་དགེ་མཚན། འོད་དྲོད་ལས་སྒོའི་སྲོག་ཤིང་བྱེད་ནུས་དང་དེ་བཞིན་མཚོ་བྱང་ཁུལ་གྱི་ནུས་རྒྱུ་གསར་པའི་འཆར་འགོད་དང་དུས་མགོའི་ཐོན་ཁུངས་ཀྱི་བརྟག་ཞིབ་གནས་ཚུལ་ངོ་སྤྲོད་བྱས་ཤིང་། མཚོ་བྱང་ཁུལ་གྱིས་རང་གི་ནུས་རྒྱུ་གསར་པའི་འཆར་འགོད་དང་རྗེས་ཕྱོགས་ཀྱི་འཕེལ་རྒྱས་བསམ་ཕྱོགས་ངོ་སྤྲོད་བྱས།
ཏིང་ཡེ་ལེའང་གིས་ཀྲུང་གོའི་ཀོང་ཧོ་ཉིང་རྡུལ་ནུས་རྒྱུ་གསར་པའི་འོད་དྲོད+ལྗོངས་རྣམ་མང་པོའི་བཀོལ་སྤྱོད་ཀྱིས་དྲ་སྦྲེལ་གློག་འདོན་མངོན་འགྱུར་བྱེད་ཐུབ་པར་མ་ཟད། ལག་ལེན་ཡག་པོ་བྱེད་པ་བརྒྱུད་མཚོ་བྱང་ཁུལ་དང་མཉམ་ལས་ཀྱིས“འཕུར་མཆོང་དཔལ་འབྱོར”གྱི་རྣམ་པ་འཛུགས་སྐྲུན་དང་། ས་གནས་ཀྱི་དྲ་བྲལ་གློག་འདོན་ནང་ཞུགས་ཏེ་བཟོ་ལས་གླིང་ཁུལ་དུ་དྲོད་རླངས་མཁོ་འདོན་དང་ས་གནས་ཀྱི་ཚོང་འགུགས་མ་འདྲེན་ལ་ཕན་པ་ལྡན་པའི་མཐུན་རྐྱེན་གསར་པ་སྦྱོར་རྒྱུ་ཡིན་པར་བཤད།
ཁུལ་སྲིད་གཞུང་གི་ཁུལ་དཔོན་གཞོན་པ་ཚོ་ཅི་ཆང་དང་། ཁུལ་འཕེལ་སྒྱུར་ཨུ་ལྷན་དང་བཟོ་འཕྲིན་ཅུས་ཀྱི་འགན་འཁུར་བློ་མཐུན་གཙོ་བོ། དེ་བཞིན་ཀྲུང་གོའི་ཀོང་ཧོ་ཉིང་རྡུལ་སྡེ་ཚོགས་མཚོ་སྔོན་ཡན་ལག་སྤྱི་གཉེར་ཁང་གི་འགན་འཁུར་བ་བཅས་བཞུགས་མོལ་ཚོགས་འདུར་ཞུགས།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注