ཁུལ་ཨུའི་རྒྱུན་ལས་ཨུ་ལྷན་གྱི（ཚང་འཛོམས）ཚོགས་འདུ་འཚོགས་ཤིང་། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་བརྒྱུད་སྒྲོག་བྱས།
ཤ་བོ་སྐྱབས་ཀྱིས་གཙོ་སྐྱོང་གནང་།
ཟླ7པའི་ཚེས25ཉིན། ཁུལ་ཨུའི་ཧྲུའུ་ཅི་ཤ་བོ་སྐྱབས་ཀྱིས་གཙོ་སྐྱོང་གནང་ནས་ཁུལ་ཨུའི་རྒྱུན་ལས་ཨུ་ལྷན（ཚང་འཛོམས）གྱི་ཚོགས་འདུ་འཚོགས་ཤིང་། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་དང་བརྒྱུད་སྒྲོག་བྱས་ལ། མཚོ་བྱང་ཁུལ་གྱི་ལག་བསྟར་དོན་འཁྱོལ་བྱེད་པའི་བྱ་བར་བཀོད་སྒྲིག་བྱས།
ཚོགས་འདུའི་ཐོག་ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བཞི་པས“ཀྲུང་གོའི་རྣམ་པའི་དེང་རབས་ཅན་ལ་བརྟེན་ནས་ཀྲུང་ཧྭ་མི་རིགས་རླབས་ཆེན་བསྐྱར་དར་ལ་སྐུལ་འདེད་གཏོང་བའི”རླབས་ཆེན་གྱི་འཆར་གཞིར་དམ་པོར་དམིགས་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བའི་ཐད་བཏོན་པའི་བླང་བྱ་གལ་ཆེན་ཁོང་དུ་བརྟན་པོར་ཆུད་པ། དུས་རབས་གསར་པ་དང་རྒྱང་སྐྱོད་གསར་པ། མཚོ་སྔོན་གསར་པ་འཛུགས་སྐྲུན་གྱི་དམིགས་ཚད་ལས་འགན་ལ་སེམས་ཤུགས་གཅིག་ཏུ་སྒྲིལ་ནས་ཞིང་ཆེན་ཡོངས་ཀྱི་རིམ་པ་སོ་སོའི་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པར་སྐུལ་མ་བཏང་ནས་མངགས་བཅོལ་ཡིད་ལ་བརྟན་པོར་བཅངས་པ་དང་། དྲིན་ཚོར་ཡར་བརྩོན་དང་གོ་སྐབས་དམ་འཛིན། དངོས་སྒྲུབ་ལས་བརྩོན་བྱས་ཏེ་ཞིང་ཆེན་ཏང་ཨུས་ཐོག་མཐའ་བར་གསུམ་དུ་ཁྱོན་ཡོངས་ལ་བསམ་བློ་གཏོང་བ་དང་འཕེལ་ཕྱོགས་ཆེན་པོ་ཁོང་དུ་ཆུད་པར་བྱེད་པའི་འཐབ་ཇུས་ཀྱི་བསམ་གཞིགས་གང་ལེགས་སྒོས་མཚོན་ཡོད་པ་དང་། གཏན་ཚིགས་ལ་བརྩི་སྲུང་དང་དུས་བསྟུན་མདུན་སྐྱོད་ཀྱི་སྲིད་སྐྱོང་འདུ་ཤེས་རྒྱུན་འཁྱོངས། ཏང་གིས་ཏང་ལ་དོ་དམ་དང་ཏང་ནན་སྐྱོང་བྱེད་པའི་ཆོད་སེམས་རྒྱུན་འཁྱོངས་བྱེད་པ། དངོས་ཐོག་བདེན་འཚོལ་དང་གནད་དོན་ལ་ཁ་གཏད་པའི་བྱ་བའི་སྤྱོད་སྟངས་རྒྱུན་འཁྱོངས་བྱས་ཏེ། ང་ཚོ་དེང་རབས་ཅན་འཛུགས་སྐྲུན་གྱི་གཡུལ་ས་གཙོ་བོར་ཞུགས་པར་ཐབས་ལམ་གསལ་པོ་བཟོས་ཡོད་པ་དང་། གསར་བཏོད་ལས་བརྩོན་གྱི་ལས་རྣམ་བཟང་པོར་བླང་བྱ་ཁ་གསལ་བཏོན་ཡོད་པར་བསྟན།
ཚོགས་འདུའི་ཐོག་ཁུལ་ཡོངས་ཀྱི་གོང་འོག་ཚང་མས་ཚང་འཛོམས་གྲོས་ཚོགས་ལ་སློབ་སྦྱོང་དྲིལ་སྒྲོག་དང་ལག་བསྟར་བྱེད་པ་དེ་ཏང་གི་ཚོགས་ཆེན་ཉི་ཤུ་པའི་དགོངས་དོན་དང་ཟུང་འབྲེལ་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་དུ་གཟིགས་ཞིབ་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་དང་ཟུང་འབྲེལ་བྱེད་པ། མི་འགྱངས་བར་མགོ་རྩོམ་པའི་བརྗོད་དོན་སློབ་གསོ་དང་ཟུང་འབྲེལ་བཅས་བྱས་ཏེ་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་མགོ་ཁྲིད་གཙོ་བོས་མཚོ་བྱང་གི་བྱ་བར་བརྟག་ཞིབ་གནང་སྐབས་ཀྱི་བླང་བྱ་དང་ཟུང་འབྲེལ་བྱས་ཏེ། བྱེད་ཐབས་སྣ་ཚོགས་ལ་བརྟེན་ནས་སློབ་སྦྱོང་ཡག་པོ་དང་དྲིལ་སྒྲོག་ཡག་པོ། ལག་བསྟར་ཡག་པོ། དོན་འཁྱོལ་ཡག་པོ་བྱེད་པ་དང་། ལྟེ་བའི་བརྗོད་སྙིང་དང་དགོངས་དོན་གཙོ་བོ། ལག་ལེན་གྱི་བླང་བྱ་བཅས་ཁོང་དུ་ཆུད་པར་བྱས་ཏེ། ཚང་འཛོམས་གྲོས་ཚོགས་ཀྱི་དགོངས་དོན་མཚོ་བྱང་དུ་དོན་འཁྱོལ་དང་ཕན་འབྲས་ཐོན་རྒྱུར་རྒྱུན་ཆད་མེད་པར་སྐུལ་འདེད་གཏོང་དགོས་པ་ནན་གྱིས་བསྟན།
ཚོགས་འདུའི་ཐོག“དངོས་དོན་བདེན་གཉེར“རྒྱུན་འཁྱོངས་བྱས་ཏེ། ལོ་སྟོད་ཀྱི་བྱ་བར་ཕྱོགས་སྡོམ་དང་རྩིས་བཤེར་ནན་ཏན་བྱས་པ་དང་། ལོ་སྨད་ཀྱི་བྱ་བར་ཞིབ་འཇུག་དང་འཆར་འགོད་བྱས་ནས་ལོ་ཧྲིལ་བོའི་དམིགས་ཚད་ལས་འགན་སོ་སོར་ཕན་འབྲས་དངོས་ཐོན་པར་འགན་ལེན་བྱེད་དགོས་ཤིང་། སྐྱེ་ཁམས་ཁོར་ཡུག་སྲུང་སྐྱོབ་ལ་རྒྱུན་འཁྱོངས་ལྷོད་མེད་ངང་ཤུགས་བསྣན་ནས་མཚོ་བྱང་གི་སྐྱེ་ཁམས་ལེགས་ཆ་སྲ་བརྟན་ཏན་ཏིག་གཏོང་བ་དང་། ནུས་ཤུགས་ཡོད་རྒུས་དཔལ་འབྱོར་སླར་གསོ་དང་འཕེལ་རྒྱས་ལ་དམ་འཛིན་ཡག་པོ་བྱས་ཏེ། དཔལ་འབྱོར་བསྐྱར་འཕར་གྱི་འཕེལ་ཕྱོགས་རྒྱུན་ཆད་མེད་པར་སྲ་བརྟན་དུ་གཏོང་བ་དང་། ལོ་ཧྲིལ་པོའི་དམིགས་ཚད་ལས་འགན་ལ་རྨང་གཞི་བརྟན་པོ་འདིང་དགོས་ལ། གཡོ་འགུལ་མེད་པའི་སྒོ་ནས་ཐོན་ལས་ཀྱི“གནས་བཞི”འཛུགས་སྐྲུན་མགྱོགས་སུ་གཏོང་བ་དང་། ཁྱད་ལྡན་ལེགས་ཆའི་ཐོན་ལས་རྒྱ་ཆེར་གཏོང་བ། སྔར་ལས་ཆེ་བའི་ཤུགས་ཚད་ཀྱི་ཐོན་ལས་ཕྱོགས་སྒྱུར་རིམ་སྤོར་ལ་སྐུལ་འདེད་བཏང་སྟེ། ཕྱོགས་ཡོངས་ནས་གྲོང་གསེབ་དར་སྤེལ་ལག་བསྟར་བྱེད་པ་དང་རྒྱལ་ཁབ་དང་ཞིང་ཆེན་རིམ་པའི་དཔྱད་དཔོག་དང་ཁུལ་རིམ་པའི་རང་བཤེར་གནད་དོན་དག་ཐེར་བྱ་བར་དམ་འཛིན་ཏན་ཏིག་བྱས་ཏེ་ཐོན་ལས་དང་ལས་ཞུགས་རོགས་སྐྱོར་བྱེད་ཤུགས་ཆེ་རུ་གཏོང་བ་དང་། ཐབས་བརྒྱ་ཇུས་སྟོང་གིས་དབུལ་ཐར་མང་ཚོགས་ཀྱི་འབབ་འཕར་ཐབས་ལམ་རྒྱ་ཆེར་གཏོང་དགོས་ལ། གཏིང་ཟབ་སྒོས་བདེ་འཇགས་མཚོ་བྱང་འཛུགས་སྐྲུན་བྱེད་པ་དང་བདེ་འཇགས་ཀྱི་འགོག་སྲུང་འཛིང་རགས་བརྟན་དུ་བཏང་ནས་སྤྱི་ཚོགས་བཅོས་སྐྱོང་གི་མཉམ་སྐྲུན་དང་མཉམ་བཅོས། མཉམ་སྤྱོད་བཅས་ཀྱི་རྣམ་པ་ཕྱོགས་ཡོངས་ནས་གཏོད་དགོས་པའི་བླང་བྱ་བཏོན།
མཉམ་སྤྱོད།
སྐད་འཕྲིན་སྤྱི་སྟེགས་ཨང་གྲངས།
微信扫一扫加关注